The news is by your side.

Advertisement

میڈیا کو بلدیاتی الیکشن کے غیر حتمی نتائج دینے کی مشروط اجازت

لاہور : میڈیا کو بلدیاتی الیکشن کے غیر حتمی نتائج دینے کی لاہور ہائیکورٹ نے مشروط اجازت دیدی ہے۔ جسٹس فرخ عرفان نے لاہور ہائیکورٹ میں ایک شہری کی جانب سے دائر درخواست کی سماعت کی۔

تفصیلات کے مطابق لاہور کے ایک شہری اشتیاق احمد کی جانب سے دائر درخواست میں مؤقف اختیار کیا گیا ہے کہ آئین کے تحت معلومات تک رسائی ہر شہری کا حق ہے۔

درخواست میں مؤقف اختیار کیا گیا تھا کہ آئین کے تحت معلومات تک رسائی ہر شہری کا حق ہے، میڈیا کو غیر حتمی نتائج جاری کرنے سے روکنا بنیادی حقوق کی خلاف ورزی ہے۔

استدعا ہے کہ عدالت الیکشن کمیشن کی جانب سے لگائی گئی پابندی کالعدم قرار دے۔ دلائل مکمل ہونے پر عدالت نے میڈیا کو غیر حتمی انتخابی نتائج دینے کی مشروط اجازت دیتے ہوئے قرار دیا کہ میڈیا پولنگ کا وقت ختم ہونے کے ایک گھنٹہ بعد نتائج نشر کرے گا اور ہر نتیجہ سے پہلے یہ بتایا جائے گا کہ یہ غیر حتمی ہے۔

عدالت نے قرار دیا کہ انفارمیشن ٹیکنالوجی کے اس دور میں میڈیا پر قدغن نہیں لگائی جا سکتی۔ کیس کی سماعت کے دوران جسٹس فرخ عرفان نے استفسارکیا کہ الیکشن کمیشن کو میڈیا پر پابندی لگانے کا اختیار کس نے دیاہے ۔ الیکشن کمیشن کی غیر سرکاری اورحتمی نتائج نشر کرنے پر پابندی سمجھ سے بالاتر ہے۔

Print Friendly, PDF & Email

Comments

comments

یہ بھی پڑھیں