The news is by your side.

Advertisement

بلدیاتی انتخابات : پی پی کا پلڑا بھاری، مرزا گروپ بھی کامیاب

سانگھڑ/ بدین : سانگھڑمیں بلدیاتی انتخابات کے غیرحتمی غیرسرکاری نتائج کے مطابق پیپلزپارٹی کا پلڑا بھاری رہا جبکہ بدین میں مرزا گرو پ آگے رہا۔

جیت کی خوشی میں حامیوں نے جشن منایا،کہیں مٹھائیاں تقسیم کی گئیں تو کہیں بھنگڑے ڈالے گئے۔ سانگھڑ اور بدین کابلدیاتی معرکہ۔مخالفین کے درمیان انتہائی سخت رہا۔ کہیں پیپلزپارٹی تو کہیں مرزا گروپ کا پلڑا بھاری رہا۔

بدین میں پیپلزپارٹی اور مرزا گروپ کے درمیان کانٹے کا مقابلہ دیکھنے میں آیا۔غیر حتمی،غیر سرکاری نتائج کے مطابق بدین ڈسٹرکٹ کونسل کی ارسٹھ نشستوں میں چونتیس پر مرزا گروپ اور تینتیس پر پیپلزپارٹی نے کامیابی حاصل کی۔

جیت کی خوشی میں کارکنان نے ایک دوسرے کو مٹھائیاں تقسیم کیں۔ سانگھڑ میں پیپلزپارٹی اور فکشنل لیگ کے درمیان مقابلہ سخت رہا۔

غیر حتمی اور غیرسرکاری نتائج نے پیپلزپارٹی کے حق میں فیصلہ دیا ،تو پیپلزپارٹی کےکارکنان کی بڑی تعداد نے ڈھول کی تھاپ پر بھنگڑے ڈالے اور جیت کی خوشی میں جشن منایا۔

اس موقع پر پیپلزپارٹی کے کامیاب امیدواروں کا کہنا تھا کہ سندھ کے عوام کل بھی پیپلزپارٹی کے ساتھ تھے اور آج بھی ہیں۔

Comments

comments

یہ بھی پڑھیں