The news is by your side.

Advertisement

نیب نے نوازشریف کیخلاف ایک اورانکوائری کا آغازکردیا

لاہور: نوازشریف کےخلاف نیب میں ایک اور انکوائری کا آغاز کردیا گیا، ایل ڈی اے کےغیرقانونی پلاٹوں کی الاٹمنٹ کی تحقیقات شروع کردی گئیں۔

تفصیلات کے مطابق قومی احتساب بیورو (نیب) نے سابق وزیر اعظم نواز شریف کے خلاف ایک اور انکوائری کا آغاز کردیا ہے، نیب نے سابق وزیر اعظم سمیت13بیورو کریٹس اور دیگر اہم شخصیات کو شامل تفتیش کیا ہے۔

نیب لاہور نے سابق وزیر اعظم نواز شریف کو ایل ڈی اے کے پلاٹوں کی غیر قانونی الاٹمنٹ کے حوالے سے تحقیقات کے لئے 29ستمبر کو طلب کر لیا ہے۔

اس سلسلے میں نیب نے لاہور پولیس سے بھی مدد مانگ لی، لاہور پولیس کو سمن کی تکمیل کیلئے ہدایات جاری کردیں گئیں۔


مزید پڑھیں: نواز شریف کے گرد گھیرا تنگ، نیب نے شواہد حاصل کرلیے


نیب کا کہنا ہے کہ لاہورپولیس ایس ایچ اوز کی مدد سے سمن کی تکمیل کرائیں، قومی احتساب بیورو نے سابق بیورو کریٹس اور ایل ڈی اے سے فائدہ لینےوالے 13 افراد کو طلب کیا ہے۔


مزید پڑھیں: پیش نہیں ہوں گے: نواز شریف کا نیب کو تحریری جواب


نیب نے لاہور پولیس کو 29ستمبر تک سمن کی تکمیل کرانےکی ہدایت کی ہے۔ نواز شریف پر الزام ہے کہ انہوں نے بطور وزیر اعلیٰ پنجاب 25 پلاٹس من پسند بیورو کریٹس اور اعلیٰ افسران کو غیر قانونی طور پر الاٹ کیے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں