قانون نافذ کرنے والے اداروں کا ایکشن: خاتون ٹارگٹ کلرز سمیت 3 ملزمان گرفتار LEA
The news is by your side.

Advertisement

اورنگی ٹاون سے خاتون ٹارگٹ کلرسمیت 8 ملزمان گرفتار

کراچی: پولیس نے اورنگی ٹاؤن کے علاقے طوری بنگش میں کارروائی کرتے ہوئے ٹارگٹ کلرز کی مبینہ ساتھی شابانہ نامی خاتون کو گرفتار کرلیا جبکہ مختلف علاقوں میں کارروائی کرتے ہوئے 8 ملزمان کو گرفتار کرلیا۔

ایس ایس پی اورنگی کے مطابق گرفتار ٹارگٹ کلرز کی نشاندہی پر پولیس نے طوری بنگش میں کارروائی کرتے ہوئے شابانہ نامی خاتون کو گرفتار کیا جو ٹارگٹ کلرز کی ساتھی ہے۔

پولیس حکام کا کہنا ہے کہ شبانہ ساتھیوں کے ساتھ مل کر مخالفین کو جھانسہ دے کر بلاتی اور اُس کے ساتھی انہیں قتل کردیتے تھے، ملزمہ متعدد ٹارگٹ کلنگ کی وارداتوں میں بھی ملوث رہی ہے۔

ایس ایس پی اورنگی کا کہنا ہے کہ مبینہ خاتون ٹارگٹ کلرز نے ساتھیوں کے ساتھ مل کر عبد الحفیظ عرف بھولا کو اغوا کر کے قتل کیا، ٹارگٹ کلرز کو شک تھا کہ مقتول پولیس کے لیے مخبری کا کام کرتا ہے۔

اورنگی پولیس کے سربراہ نے کہا کہ ملزمہ کے دو ساتھی مبینہ ٹارگٹ کلرز امان اور قمر پہلے ہی گرفتار ہوچکے ہیں جن کی نشاندہی پر کارروائی کی گئی۔

علاوہ ازیں اقبال مارکیٹ تھانے کے اہلکاروں نے کارروائی کرتے ہوئے 2 ٹارگٹ کلرز کو گرفتار کرنے کا دعویٰ کیا ہے جن کی شناخت ثمر اقبال اور قمر کے نام سے ہوئی، ملزمان کے قبضے سے اسلحے کا بیگ برآمد کیا گیا۔

دوسری جانب رینجرز نے شہر میں کارروائیاں کرتے ہوئے چار افراد کو گرفتار کرلیا، ترجمان رینجرز نے مطابق کارروائی کے دوران ایم کیو ایم لندن کے عسکری ونگ سے تعلق رکھنے والے شہریار نامی شخص کو گرفتار کیا گیا ہے۔

Comments

comments

یہ بھی پڑھیں