اسلام آباد : ملکی کی خراب معاشی صورتحال کے باوجود حکمران اتحاد کے اجلاس میں لیڈر قہقہے لگاتے نظر آئے جبکہ آسمان کو چھوتی مہنگائی کے باعث قوم مشکل میں ہے۔
تفصیلات کے مطابق ایک طرف ملک معاشی دلدل میں دھنسا اور مہنگائی آسمانوں پر ہیں ، عوام پہنچ سے دور ہوتی کھانے پینے کی اشیا پر پریشانی کا شکار ہے لیکن حکمرانوں کے چہروں پر دور دور کوئی تشویش نہیں۔
پنجاب کے ضمنی انتخابات میں پندرہ نشستیں ہارنے کے بعد حکمران اتحاد کا اجلاس ہوا ، جس میں عوامی مسائل کا ذکر نہ ہوا تاہم یہ طے ہوا کہ اقتدار سے چمٹے رہنا ہے نہ احتجاج کی پروا کرنا اور نہ عوام کے رونے پیٹنے سے سروکار رکھنا۔
اجلاس میں مریم اورنگزیب اور سعدرفیق کے چہروں پر سکون اور مسکراہٹ نظر آئی اور وزیراعظم تو باقاعدہ تالی مار کر ہنس بھی پڑے۔
حکمران اجلاس میں عوام کے دکھوں کا مداوا کرنے اور ملک ڈیفالٹ ہونے سے بچانے کی تدبیر کرنے کے بجائے لیڈز ہنستے مسکراتے اور تالیاں بجاتے رہے۔
