The news is by your side.

Advertisement

مظفرآباد : مقبوضہ کشمیر میں نہتے لوگوں پر گولیاں برسائی جارہی ہیں، پرویز رشید

اسلام آباد: وفاقی وزیر اطلاعات پرویز رشید نےکہا ہے کہ مقبوضہ کشمیر میں نہتے لوگوں پر گولیاں برسائی جارہی ہیں، اقوام متحدہ کب کشمیریوں کو ان کا حق دلائے گی۔

تفصیلات کے مطابق وفاقی وزیر اطلاعات پرویز رشید مقبوضہ کشمیر میں بھارتی فوج کے مظالم پر برہم ہوگئے انہوں نے کہا کہ کشمیر میں نہتے لوگوں پرگولیاں برسائی جارہی ہیں،سب کچھ دیکھتے ہوئے بھی پوری دنیا کا ضمیر خاموش ہے۔

ان کا کہنا تھا کہ کشمیریوں کو کچلنے کے لئے بندوق کا بے دریغ استعمال کیاجارہاہے، پاکستان انسانی حقوق کی تنظیموں کو بھارتی جارحیت سے آگاہ کرے گا۔

وفاقی وزیر اطلاعات نے کہا عالمی برادری اور انسانی حقوق کی تنظیمیں پر زور دیا کہ وہ ظالم کاہاتھ روکنے میں اپنا کردار ادا کریں۔

اس سے قبل مقبوضہ کشمیر میں بھارتی فورسز کے ہاتھوں بے گناہ کشمیریوں کی شہادت پر پاکستانی دفترخارجہ نے مقبوضہ کشمیر میں بھارتی جارحیت کی پرزورمذمت کی ہے۔

ترجمان دفتر خارجہ کا کہنا تھا کہ بھارت کی طرف سے ایسے اقدامات بنیادی انسانی حقوق کی خلاف ورزی ہیں مسئلہ کشمیرکاحل کشمیریوں کے حق خودارادیت سے ہی ممکن ہے۔

Print Friendly, PDF & Email

Comments

comments

یہ بھی پڑھیں