ایڈنبرگ: نیوزی لینڈ میں چار پتوں والا چھوٹا پودا 8 ہزار 150 نیوزی لینڈ ڈالر یعنیٰ پاکستان 9 لاکھ 70 ہزار روپے میں فروخت ہوا۔
تفصیلات کے مطابق نیوزی لینڈ میں فیلو ڈینڈرون منیما نامی پودا جس کے چاروں پتوں کے اطراف پیلا اور ہرا رنگ ہے اور اس کی رنگ ہی کی وجہ سے اس کی بولی ’ٹریڈ می‘ نام کی خرید وفروخت کرنے والی ویب سائٹ پر شروع ہوئی۔
اس پودے کو فروخت کرنے والے شخص نے ٹریڈ می ویب سائٹ پر لکھا کہ اس وقت اس پودے میں چار پتے ہیں اور حیرت انگیز طور پر ان کا ان پتوں کا رنگ ہرا اور پیلا ہے۔
نیوزی لینڈ میں گارڈینر نام کے جریدے کے ایڈیٹر جو مککیرل نے بتایا کہ پودوں میں ہریالی ان کی نمو کرتی ہے اور مکمل طور پر ہرا تنا رکھنے والا پودا ضروری نہیں ہے کہ بڑھنے کے بعد بھی نایاب رنگت رکھے۔
انہوں نے کہا کہ مجھے لگتا ہے کہ اتنے پیسے خرچ کرنے والے کو پودوں کے بارے میں کافی علم ہوگا، شاید وہ اس سے اور پودے اُگا کر مستقبل میں انہیں فروخت کر کے پیسا کمانا چاہتا ہو۔
ریڈیو نیوزی لینڈ کو پودے کے گمنام خریدار نے بتایا کہ وہ ایک گروپ کا حصہ ہے جو کہ ایک گارڈن کے درمیان ریستوران بنا رہا ہے اور اسی گارڈن کے لیے اس پودے کو خریدا گیا ہے۔
