نیویارک: امریکی ماہرین نے کہا ہے کہ بڑھاپے میں روزانہ کی بنیاد پر گھر سے باہر نکلنا اور سیرو تفریح کرنا صحت مند اور طویل عمر کی ضمانت ہے۔
امریکا میں ہونے والی تحقیق کے مطابق بڑھاپے میں باقاعدگی سے گھر سے باہر نکلنا طویل اور صحت زندگی کی ضمانت ہے کیونکہ اس عمل سے ضعیف المعمر افراد ذہنی دباؤ اور جسمانی بیماریوں سے محفوظ رہتے ہیں۔
ڈاکٹر جیریمی کے مطابق جو لوگ روزانہ کی بنیاد پر گھر سے باہر نکلتے ہیں وہ بلڈپریشر، کولیسٹرول سمیت دیگر بیماریوں سے محفوظ رہتے ہوئے تندرست زندگی گزارتے ہیں۔
مزید پڑھیں: صحت کے لیے غیر ضروری ان عادات سے چھٹکارہ پائیں
تحقیق کے دوران تقریبا 3375 ضعیف افراد کا انتخاب کیا گیا اور اُن کے روز مرہ کی معمولاتِ زندگی کا مشاہدہ کیا گیا، اس دوران یہ بات ثابت ہوئی کہ جو لوگ باقاعدگی سے چہل قدمی کے لیے گھر سے باہر نکلتے ہیں وہ اکیلے پن، جسمانی کمزوری اور سستی جیسی بیماریوں سے محفوظ رہتے ہیں۔
تحقیق کے مطابق طویل عمر پانے والے افراد کے لیے آب و ہوا اور ماحول نہایت اہمیت کا حامل اور فائدے مند ہے، اس لیے ضعیف المعمری میں باقاعدگی سے گھر سے باہر نکلنا، لوگوں سے میل جول رکھنا نہ صرف ذہنی بلکہ جسمانی طور پر بھی عمر رسیدہ افراد کو توانا رکھتا ہے۔
یہ بھی پڑھیں: ضعیف اور مریض افراد کی خدمت کیلئے جدید روبوٹ تیار
یونیوسٹی آف میڈیکل ہیلتھ میں کی گئی تحقیق کہتی ہے کہ گھروں سے باہر نکلنا سیر و تفریح کیلئے جانا صحت کے مفید جبکہ معاشرے کے لیے بھی کارآمد ہے کیونکہ اس سے لوگ اپنے ارد گرد کے ماحول سے واقف رہتے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
