لبنان: ملکی تاریخ میں پہلی بار خواتین کار ریلی
The news is by your side.

Advertisement

لبنان: ملکی تاریخ میں پہلی بار خواتین کار ریلی

ریلی میں 28 ملکی و غیر ملکی خواتین نے حصہ لیا

بیروت: لبنان کی ملکی تاریخ میں پہلی بار خواتین کے لیے پہلی بار کلاسک کار ریلی کا انعقاد کیاگیا جس میں مقامی اور غیر ملکی خواتین ڈرائیورز نے بڑھ چڑھ کر حصہ لیا اور  پرانے ماڈلز کی گاڑیاں خود چلائیں۔

تفصیلات کے مطابق لبنان میں منعقد ہونے والی پہلی کار ریلی میں فرانس، متحدہ عرب امارات، برطانیہ، چین اور الگیریا کی خواتین ڈرائیورز اور ماڈلز نے شرکت کی اور پچاس برس سے پرانے ماڈل کی گاڑیوں کو ڈرائیو کر کے حاضرین کو حیران کردیا۔ وینٹیج کار ریلی میں شامل گاڑیوں کی چمک دمک نے نہ صرف حاضرین کو ورطہ حیرت میں مبتلا کیا بلکہ خواتین کا بھرپور اعتماد بھی لوگوں کی توجہ کا مرکز بنا۔

ریلی کا انعقاد ہفتے کے رو آٹو موبائل سیاحتی کلب کی جانب سے کیا گیا تھا، کار سوار خواتین نے پورے ملک کی اہم شاہراؤں پر اپنی گاڑیاں گھمائیں اور اس کا اختتام شام سے ملحقہ سرحد کے قریب ہوا۔

منتظمین کا غیر ملکی خبررساں ادارے سے گفتگو کرتے ہوئے کہنا تھا کہ سوئٹزرلینڈ کی طرز پر اب لبنان میں بھی خواتین کے لیے کار ریلیوں کا انعقاد کیا جائے گا تاکہ یہاں کے لوگ بھی ایونٹ سے محظوظ ہوسکیں۔

ریلی میں شریک ڈرائیور کا کہنا تھاکہ ’میرے لیے یہ بہت خوشی کا موقع ہے کہ اس ایونٹ کا حصہ بنی اور سڑک پر اپنی مرضی سے گاڑی چلائی‘۔ اُن کا کہنا تھا کہ اب میری خواہش ہے کہ پرانی گاڑی میں ساری دنیا کا چکر لگاؤں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں