بیروت: لبنان کےعوام نےحکمرانوں کوبدعنوان اور نااہل قرار دے دیا،حکومت کے خلاف احتجاج میں سرکاری عمارتوں کا گھیراو کرکے پرتشدد مظاہرے کیے گئے۔
لبنان کےدارالحکومت بیروت میں حکومت مخالف مظاہروں میں شدت آگئی ،حکومت مخالف احتجاج میں مظاہرین نےسرکاری عمارتوں کا گھیراوکرکے وہاں کھڑی کی گئی رکاوٹوں کوآگ لگاد ی،مظاہرین کا مطالبہ ہےکہ بدعنوان حکمران مستعفی ہوں جبکہ عوام کو بنیادی ضروریات فراہم کی جائیں۔
حکومت مخالف مہم گزشتہ دو ہفتوں سے جاری ہے،کوڑے کرکٹ کو مناسب طریقے سے ٹھکانے نہ لگانا حکومت مخالف مہم کا باعث بنا جس کے بعد پے درپے مظاہرے کیے گئے اس سے قبل ہونے والے احتجاج میں مظاہرین کے خلاف طاقت کا استعمال کیا گیا جس میں چار سو کے قریب مظاہرین زخمی ہوئے تھے۔
دوسری جانب برطانیہ کے شہر لندن میں بھی لبنانی شہریوں نے مظاہرہ کرتےہوئےلبنان میں جاری حکومت مخالف احتجاج کے شرکاء سے یکجہتی کا اظہار کیاجبکہ وزیرماحولیات سےاستعفے اورعوام کو بنیا دی ضروریات فراہم کرنےکامطالبہ کیا۔
