The news is by your side.

Advertisement

گلوکارعالمگیر کی موت کی افواہیں‌ دم توڑ گئیں

کراچی: لیجنڈ گلوکار عالمگیر کی موت کی افواہیں دم توڑ گئیں، اداکارہ بشریٰ انصاری نے عالمگیر کے ساتھ کی جانے والی گفتگو سوشل میڈیا پر شیئر کردی۔

تفصیلات کے مطابق لیجنڈ گلوکار عالمگیر کی موت کی خبریں گزشتہ رات سوشل میڈیا پر گردش کررہی تھیں تاہم ان کی ویڈیو سامنے آنے کے بعد خبریں دم توڑ گئیں، بشریٰ انصاری کا کہنا تھا کہ وہ صحت مند ہیں انہوں نے عالمگیر کے ساتھ کی جانے والی گفتگو کی ویڈیو شیئر کی۔

ویڈیو میں اداکارہ کا کہنا تھا کہ ’مجھے ان افواہوں کے بارے میں پتا چلا تو بہت خوفزدہ ہوگئی تھی۔‘

View this post on Instagram

We love u alamgir ..shukar hay he is OK..

A post shared by Bushra Bashir (@ansari.bushra) on

بشریٰ انصاری نے افواہوں پر برہمی کا اظہار کرتے ہوئے کہا کہ وہ اتنے دنوں سے بیماریوں سے لڑ رہے ہیں، عالمگیر صحت یاب ہیں اور اب لوگ افواہیں پھیلانا بند کردیں۔

انہوں نے کہا کہ اب تم اتنے سال زندہ رہ گئے ہو تو 100 سال کے تو ہوگئے ہو، اب تمہیں مرنے کا کوئی حق نہیں ہے، اب میں نے سب کو لکھ دیا کہ بکواس بند کرو، اداکارہ نے ان کی صحت یابی کے لیے دعا بھی کی۔

اداکارہ کا کہنا تھا کہ افواہیں سن کر میرا دم نکل گیا تھا، اللہ کا شکر ہے کہ عالمگیر حیات ہیں، بشریٰ انصاری نے انہیں فرضی نام ‘بنگالی‘ کہہ کر بھی پکارا۔

واضح رہے کہ گلوکار عالمگیر نے متعدد مشہور گانے گنگنائے ہیں جن میں ہوا ہوا اے ہوا خوشبو لوٹا دے، دیکھا نہ تھا کبھی ہم نے یہ سماں ودیگر شامل ہیں۔

Comments

یہ بھی پڑھیں