لیمن بار لیموں اور مکھن سے بنی ہوئی نہایت مزیدار بارز ہوتی ہیں جنہیں تیار کرنا بے حد آسان ہوتا ہے۔ اس کی آسان ترکیب جانیں۔
اجزا
مکھن: ایک ٹکیہ
چینی: حسب ذائقہ
آٹا: ایک پیالی
انڈے: 4 عدد
لیموں (جوس نکال لیں): ایک پیالی
کھوپرا: تھوڑا سا
ترکیب
سب سے پہلے مکھن، چینی اور آٹے کو ایک پیالے میں ڈال کر اچھی طرح یکجان کرلیں۔
اسے ایک ڈش میں پھیلا کر اس کی سطح ہموار کرلیں۔ اب اس آمیزے کو بیک کرلیں۔
ایک اور پیالے میں مزید چینی اور آٹا لیں۔ اس میں انڈے شامل کرلیں اور اچھی طرح پھینٹ لیں۔
اچھی طرح مکس کرنے کے بعد اوپر سے لیموں کا جوس ڈالیں اور مزید مکس کریں۔
اس آمیزے کو بیک کیے ہوئے آمیزے کے اوپر پھیلا دیں اور دوبارہ بیک کرلیں۔
بیک ہوجانے کے بعد اس کے اوپر کھوپرا چھڑکیں۔ سخت آمیزے کو چوکور ٹکڑوں کی شکل میں کاٹ لیں۔
مزیدار لیمن بار تیار ہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
