حیدرآباد: بھارت کے شہر حیدرآباد ایئرپورٹ کے قریب سڑک پر موجود تیندوے نے لوگوں کو خوفزدہ کردیا جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق جمعرات کی صبح آدھی رات کو کیتن کے انڈر برج سے گزرتے ہوئے موٹرسائیکل سواروں کو حیرت کا سامنا کرنا پڑا جب تیندوا سڑک کے کنارے موجود آرام کررہا تھا۔
مقامی لوگوں نے واقعے سے پولیس کو آگاہ کیا گیاجس کے بعد محکمہ جنگلات کو بلایا گیا، محکمہ جنگلات کی ایک امدادی ٹیم نے پولیس کی مدد سے اس کو پکڑنے کے لیے ایک آپریشن شروع کیا۔
اس سے قبل سڑک پر آنے والے راہگیروں نے تیندوے کی ویڈیو کو اپنے موبائل فون کے کیمرے میں قید کرلیا، بعدازاں پولیس نے دونوں اطراف سے گاڑیوں کی آمدورفت روک دی۔
WATCH | A leopard was spotted lying on Hyderabad road amid #CoronavirusLockdown #NDTVBeeps pic.twitter.com/OOGfBTCgbi
— NDTV (@ndtv) May 14, 2020
رپورٹ کے مطابق تیندوا زخمی حالت میں تھا، بعد میں شمس آباد روڈ پر واقع ایک نجی فارم میں داخل ہوا۔
بعدازاں جنگل کے اہلکاروں کی ایک ٹیم نے اس تیندوے کو پکڑ لیا جو گزشتہ رات فتح دروازہ کے محلے میں داخل ہوا تھا اور گولکنڈہ علاقے میں بھٹک گیا تھا، جس سے مقامی لوگوں میں خوف طاری ہوگیا تھا جنہوں نے اسے ’بلیک پینتھر‘ سمجھا۔
محکمہ جنگلات کے عہدیداروں کا کہنا ہے کہ مذکورہ تیندوے کو نہرو زولوجیکل پارک منتقل کردیا گیا ہے ان کا کہنا تھا کہ ضروری علاج کے بعد اسے جنگل میں چھوڑنے کا ارادہ کیا ہے۔
