site
stats
پاکستان

لیسکو اور حیسکو کے چیف ایگزیکٹو آفیسرز عہدوں سے برطرف

لاہور: وزارت پانی و بجلی نے لیسکو اور حیسکو کے چیف ایگزیکٹو آفیسرز (سی ای اوز) کو ان کے عہدے سے ہٹا کر نئی تعیناتیاں کردیں۔

لاہور الیکٹرک سپلائی کمپنی کے چیف ایگزیکٹو قیصر زمان کو انکے عہدے سے ہٹادیا گیا، انکی جگہ جنرل مینجر ٹیکنیکل چودھری محمد انور کو قائم مقام لیسکو چیف تعینات کردیا گیا۔

وزارت پانی و بجلی نے چند ہفتے قبل قیصر زمان کو مدت ملازمت ختم ہونے کے بعد تاحکم ثانی کام جاری رکھنے کی ہدایت کی تھی۔

ذرائع کا کہنا ہے کہ قیصر زمان کو ہٹانے کی وجہ صارفین کو کروڑوں روپے کے اضافی بل، ناقص کارکردگی، گرڈ اسٹیشنز کی کئی کئی روز خرابی بتائی گئی ہے۔

حیسکو کے چیف ایگزیکٹو آفیسرز اختر رندھاوا کی جگہ چیف انجینئر اسد اللہ خان کو چیف ایگزیکٹو بنا دیا گیا ہے۔

وزیر مملکت پانی و بجلی عابد شیر علی نے پیر کو لیسکو کا اچانک دورہ کیا تھا سائلین کی جانب سے اوور بلنگ، غیر اعلانیہ لوڈ شیڈنگ اور کرپشن کی شکایات کے انبار لگ گئے تھے اور اسی تناظر میں ایک ایس ای اور ایس ڈی او کو بھی معطل کیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top