The news is by your side.

Advertisement

دکانیں اور تجارتی مراکز مغرب سے پہلے بند کرنے کی تجویز

لاہور : لیسکو حکام نے بجلی بچت کے لئے دکانیں اور پلازے مغرب سے پہلے بند کرنے کی تجویز دے دی۔

تفصیلات کے مطابق ملک بھر میں بجلی کا بد ترین بحران جاری ہے ، بحران کے پیش نظر لیسکوحکام نے حکومت کو تجویز دی ہے کہ بجلی بچت کے لئے دکانیں جلد بند کی جائیں۔

لیسکوحکام نے کہا کہ دکانیں اور پلازے مغرب سے پہلے بند ہو جانے چاہیے، پلازے اور دکانیں بند ہونے سے 1 ہزار میگاواٹ گھروں کو مل سکے گا، ہمیں سسٹم بچانے کے لئے اوقات کار بدلنا ہوں گے۔

خیال رہے ملک میں بجلی کا شارٹ فال سات ہزار میگاواٹ سے بڑھ گیا، جس کے بعد شہروں میں چھ سے آٹھ اور دیہات میں دس سے بارہ گھنٹے کی لوڈ شیڈنگ جاری ہے۔

بجلی کی طویل بندش نے شہریوں کا جینا اجیرن کردیا، عوام کا کہنا ہے کہ لوڈ شیڈنگ سےعوام کامعاشی قتل کیاجارہا ہے، کاروبارٹھپ ہوگئے ہیں۔

دوسری جانب کراچی میں بھی کے الیکٹرک نے غیراعلانیہ لوڈ شیڈنگ بڑھا دی ہے اور مختلف علاقوں میں چھ سے آٹھ گھنٹے کی لوڈ شیڈنگ جاری ہے۔

Comments

یہ بھی پڑھیں