The news is by your side.

Advertisement

پنجاب میں ملتوی شدہ بلدیاتی انتخابات 19 نومبرکو ہوں گے

لاہور: پنجاب میں بلدیاتی انتخابات کے پہلے مرحلے کے 12 اضلاع کی 76 یونین کونسلوں میں ملتوی انتخابات دوسرے مرحلے کے ساتھ 19 نومبر کو کروائے جائیں گے۔

الیکشن کمشن کے مطابق پہلے مرحلے میں پنجاب کے 12 اضلاع کی چار ہزار پندرہ یونین کونسلوں میں انتخابات ہوئے جن میں سے 76 یونین کونسلوں میں جزوی طور پر انتخابات 19 نومبر کو دوسرے مرحلے کے بارہ اضلاع کے ساتھ مقررہ شیڈول کے مطابق ہوں گے۔

ان یونین کونسلوں میں امیدواروں کی موت، غلط بیلٹ پیپرز کی چھپائی، ہنگامہ آرائی اور حلقہ بندیوں میں تبدیلی کے باعث انتخابات ملتوی کئے گئے ۔

الیکشن کمشن کے مطابق لاہور کی پانچ یونین کونسلوں، فیصل آباد کی سات ، لودھراں کی چھ، وہاڑی کی تین، پاکپتن کی دو، اوکاڑہ کی تین، بہاولنگر کی چھ، بھکر کی تین، قصورکی چار، ننکانہ صاحب کی اٹھارہ، چکوال کی سات اور گجرات کی تیرہ یونین کونسل میں بلدیاتی انتخابات کے لئے پولنگ ہوگی۔

واضح رہے کہ ان یونین کونسلوں میں کلی طورپراور بعض کے وارڈزمیں انتخابات ہوں گے جس کے لئے عملے کو ہدایات جاری کردی گئی ہیں۔

Print Friendly, PDF & Email

Comments

comments

یہ بھی پڑھیں