لیاری گینگ وار کے کارندے نے سالے کو اغوا کرلیا، مقدمہ درج -
The news is by your side.

Advertisement

لیاری گینگ وار کے کارندے نے سالے کو اغوا کرلیا، مقدمہ درج

کراچی: شہر قائد کے علاقہ بلدیہ ٹاؤن سے لیاری گینگ وار کے مبینہ کارندے نے اپنے ہی سالے کو اغوا کرلیا، سسر نے داماد کے خلاف مقدمہ درج کرا دیا ۔

تفصیلات کے مطابق کراچی کے علاقے بلدیہ ٹاؤن میں لیاری گینگ وار عزیر بلوچ گروپ کے ملزم علی اکبر نے اپنے سالے کو اغوا کر کے سسرال والوں سے تاوان دینے کا مطالبہ کردیا۔

سسرنے سعیدآباد تھانے میں داماد کےخلاف اغوا کامقدمہ درج کرایا جس میں مؤقف اختیار کیا گیا ہے کہ ملزم کل دوپہر میرے 15 سالہ بیٹے کو ساتھ لے کر گیا۔

مزید پڑھیں: گینگ وار کارندے کے انکشافات، تربیت افغانستان میں حاصل کی

مدعی کا کہنا تھا کہ اغوا کار کوئی اور نہیں بلکہ اُن کا اپنا داماد ہے جس کا تعلق لیاری گینگ وار سے ہے، علی اکبر ایک سال قبل بھی اپنے سسر کو تاوان کے لیے اغوا کرچکا ہے۔

سسر کا کہنا تھا کہ علی اکبر کے 2 بھائی لیاری گینگ وار کی لڑائی میں مارے جاچکے جبکہ ملزم متعدد بار جیل کاٹ کر آچکا ہے۔

واضح رہے کہ لیاری میں منشیات فروشی اور جرائم کرنے والے دو بڑے گروہوں تھے جن میں ایک عزیر بلوچ اور دوسرا ارشد پپو کا تھا ، کراچی آپریشن شروع ہونے کے بعد قانون نافذ کرنے والے اداروں نے علاقے سے دونوں کا صفایا کیا جس کے بعد لیاری کے حالات کافی حد تک تبدیل بھی ہوچکے۔

Comments

comments

یہ بھی پڑھیں