لاہور ہائی کورٹ نےاسحاق ڈارکوسینیٹ الیکشن لڑنےکی اجازت دے دی -
The news is by your side.

Advertisement

لاہور ہائی کورٹ نےاسحاق ڈارکوسینیٹ الیکشن لڑنےکی اجازت دے دی

لاہور: لاہور ہائی کورٹ نے سابق وزیرخزانہ اسحاق ڈار کو سینیٹ الیکشن لڑنے کی اجازت دے دی۔

تفصیلات کے مطابق لاہور ہائی کورٹ نے سابق وزیرخزانہ اسحاق ڈار کو سینیٹ الیکشن لڑنے کی اجازت دیتے ہوئے ریٹرننگ افسر کا اسحاق ڈار کے خلاف دیا گیا فیصلہ کالعدم قرار دے دیا۔

اسحاق ڈار نے سینیٹ انتخابات کے لیے کاغذات نامزدگی مسترد ہونے کے اقدام کو ہائی کورٹ میں چیلنج کررکھا تھا۔

درخواست گزار نے عدالت کے روبرو موقف اختیار کیا کہ ریٹرننگ افسر نے حقائق کے برعکس کاغذات نامزدگی مسترد کیے اور الیکشن لڑنے کے لیے تمام قانونی تقاضے پورے کیے۔

سابق وزیرخزانہ کے وکیل کا کہنا تھا کہ میرے موکل کو دفاع کا موقع دیے بغیر کاغذات نامزدگی مسترد کیے گئے۔

جسٹس امین الدین کی سربراہی میں ٹربیونل نے ریٹرنک افسر کا فیصلہ کالعدم قرار دیتے ہوئے سابق وزیرخزانہ کو سینیٹ الیکشن لڑنے کی اجازت دے دی۔


سینیٹ انتخابات کے لیے اسحاق ڈارکے کاغذات نامزدگی مسترد


یاد رہے کہ رواں ہفتے 12 فروری کوالیکشن کمیشن نے سینیٹ انتخابات کے لیے مسلم لیگ (ن) کے رہنما اسحاق ڈار کے کاغذات نامزدگی مسترد کردیے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں