لاہور : لاہور ہائیکورٹ راولپنڈی بینچ نے چیئرمین پی ٹی آئی عمران خان اور فواد چوہدری کیخلاف توہین الیکشن کمیشن کے شوکاز نوٹس معطل کر دیے۔
تفصیلات کے مطابق لاہور ہائیکورٹ راولپنڈی بینچ کے جج جسٹس جواد حسن نے عمران خان اور فواد چوہدری کی الیکشن کمیشن کے شوکاز نوٹسز کیخلاف درخواست پر سماعت کی۔
دونوں رہنماوں کی طرف سے بابراعوان اورفیصل چوہدری عدالت میں پیش ہوئے۔
عدالت نے توہین الیکشن کمیشن کے شوکاز نوٹس معطل کردیئے، عدالت نے کہا کہ عمران خان اورفواد چوہدری سے متعلق شوکاز نوٹس کے معاملے پر لارجر بینچ سماعت کرے گا۔
دونوں رہنماؤں کی درخواستوں پر 29 ستمبر کو سماعت ہوگی۔
یاد رہے عمران خان اور فواد چوہدری نے الیکشن کمیشن کے شوکاز نوٹسز ہائی کورٹ راولپنڈی بینچ میں چیلنج کئے تھے۔
درخواست میں موقف اختیار کیا گیا تھا کہ توہین عدالت کا اختیار الیکشن کمیشن کو نہیں ہے، شوکاز نوٹس معطل کیے جائیں۔
بعد ازاں وکیل فیصل چوہدری نے گفتگو کرتے ہوئے کہا کہ لاہورہائیکورٹ راولپنڈی بینچ نے الیکشن کمیشن کے شوکاز معطل کردیئے۔
عمران خان اور فواد چوہدری کی جانب سے پیش ہوا ، درخواست میں موقف اختیار کیا توہین عدالت کا اختیار الیکشن کمیشن کو نہیں۔
