The news is by your side.

Advertisement

گدھوں کی کھالوں کے حصول کیلئے چینی کمپنی کی درخواست مسترد

لاہور : عدالت نے گدھوں کی کھالوں کے حصول کے لئے چینی کمپنی کی درخواست مسترد کردی۔

تفصیلات کے مطابق لاہور ہائیکورٹ نے کنٹینر سے برآمد کی جانے والی گدھوں کی کھالوں کے حصول کے لئے چینی کمپنی کی درخواست مسترد کردی ہے۔

عدالت میں کیس کی سماعت جسٹس ارم سجاد گل نے کی، چینی کمپنی کی جانب سے مؤقف اختیار کیا گیا کہ وہ بیس سال سے پاکستان سے گدھے کی کھالیں درآمد کر رہے ہیں۔

درخواست میں مزید کہا گیا کہ کمپنی نے قصور سے تین ہزار گدھے کی کھالیں خریدیں مگر پولیس نے چھاپہ مار کر ایک ہزار ایک سو پچاس کھالیں ضبط کر لیں۔

چینی کمپنی نے مؤقف اختیار کیا کہ وہ قانون کے مطابق کاروبار کر رہے ہیں، لہٰذا کھالیں واپس کرنے کا حکم دیا جائے۔

عدالت نے وکلاء کے دلائل سننے کے بعد چینی کمپنی کی جانب سے دائر درخواست مسترد کردی۔

Print Friendly, PDF & Email

Comments

comments

یہ بھی پڑھیں