The news is by your side.

تاجروں سے بجلی کے بلوں میں سیلز ٹیکس وصولی: چیرمین واپڈا سےجواب طلب

لاہور : لاہور ہائی کورٹ نے تاجروں سے بجلی کے بلوں میں سیلز ٹیکس وصولی کے خلاف درخواست پر چیرمین واپڈا سمیت دیگر فریقین سے جواب طلب کر لیا۔

تفصیلات کے مطابق لاہور ہائی کورٹ کے جسٹس ریسال حسن سعید نے تاجروں سے بجلی کے بلوں میں سیلز ٹیکس وصولی کے خلاف درخواست پر سماعت کی۔

درخواست میں وزیراعظم ،صدر پاکستان کو بذریعہ پرنسپل سیکرٹری فریق بنایا گیا ہے۔

عدالتی نوٹس کے باوجود واپڈاا، وزیراعظم پاکستان اور فنانس منسٹری کی جانب سے جواب جمع نہ کرایا جا سکے۔

تاجروں نے عدالت کو بتایا کہ ہمارے میٹر نہ کاٹے جائیں، ہمیں ابھی کسی قسم کے نوٹس نہیں دئیے گئے۔

تاجروں کا کہنا تھا کہ چھوٹے تاجر اور ریٹیلر پر ٹیکسز سلیب کو غیر قانونی پر تبدیل کیا گیا ہے، نئے ٹیکس کو ایک یونٹ بجلی استعمال کرنے والے چھوٹے تاجر کو بھی بھیجا گیا ہے۔

تاجروں نے مزید کہا کہ مہنگائی کے خلاف نعرہ لگا کر آنے والی حکومت جھوٹے دعوی عیاں ہوچکے ہیں،عدالت بجلی کے بلوں میں سیلز ٹیکس کی وصولی کو کالعدم قرار دے۔

عدالت نے دوبارہ چیرمین واپڈا سمیت دیگر فریقین سے جواب طلب کر لیا۔

Comments

یہ بھی پڑھیں