لاہور ہائیکورٹ نے پنجاب کے بلدیاتی انتخابات کا نوٹیفکیشن معطل کردیا ہے اور انتخابات کیخلاف حکم امتناع جاری کردیا ہے۔
اے آر وائی نیوز کے مطابق لاہور ہائیکورٹ نے پنجاب کے بلدیاتی انتخابات کا نوٹیفکیشن معطل کرتے ہوئے انتخابات کے خلاف حکم امتناع جاری کیا ہے۔
لاہور ہائیکورٹ میں 2 رکنی بینج نے کیس کی سماعت کی اور حکم امتناع جاری کرتے ہوئے فریقین سے 25 مئی تک جواب طلب کرلیا ہے۔
واضح رہے کہ لاہور ہائی کورٹ بار کے صدر سردار اکبر ڈوگر نے لاہور ہائیکورٹ میں میں بلدیاتی انتخابات کے پہلے مرحلے کا نوٹیفکیشن چیلنج کیا تھا۔
مزید پڑھیں: پنجاب میں بلدیاتی انتخابات، معاملہ پھر عدالت پہنچ گیا
درخواست گزار نے موقف اختیار کیا تھا کہ مقامی انتخابات کا شیڈول غیر قانونی طور پر جاری کیا گیا، لوکل گورنمنٹ آرڈیننس دو ہزار اکیس کی مدت چھ ماہ ہے جو دس جون کو پوری ہورہی ہے الیکشن کمیشن سرکاری رزلٹ چودہ جون کو جاری کرے گا جو آرڈیننس کی مدت پوری ہونے کے بعد جاری ہوگا جو غیر قانونی اور غیر آئینی ہے۔