لاہور ہائیکورٹ نے خرم لطیف کھوسہ کو رہا کرنے کا حکم دے دیا۔
اے آر وائی نیوز کے مطابق لاہور ہائی کورٹ کے جسٹس باقر نجفی نے خرم کھوسہ کی بازیابی کی درخواست منظور کرتے ہوئے انہیں رہا کرنے کا حکم دیا۔
لاہور ہائیکورٹ نے خرم لطیف کھوسہ کے خلاف ایف آئی آر خارج کرنے کا بھی حکم دیا۔
عدالتی فیصلے میں کہا گیا ہے کہ پولیس خرم لطیف کھوسہ کیخلاف شواہد پیش نہ کرسکی۔
لاہور ہائیکورٹ نے خرم لطیف کھوسہ کو رہا کرنے کا حکم دے دیا ہے#ARYNews pic.twitter.com/gmaKo51Ydl
— ARY NEWS (@ARYNEWSOFFICIAL) January 1, 2024
سرکاری وکیل نے عدالت کو بتایا کہ خرم کھوسہ کو پولیس پر حملے اور وائرلیس چھیننے کے مقدمے میں گرفتار کیا گیا، ملزم سے ایک وائرلیس مل گیا دوسرا برآمد کرنا ہے۔
عدالت نے استفسار کیا کہ وہ ویڈیو کہاں ہے جس کا ایف آئی آر میں ذکر ہوا۔
تفتیشی افسر نے کہاکہ وائرلیس چھیننے کی ویڈیو نہیں ہے، جسٹس باقر نجفی نے کہا کہ آپ کی باتوں سے شکوک تو پیدا ہوتے ہیں۔
عدالت نے کہا کہ کیا ملزم کو شک کا فائدہ نہیں ملنا چاہیے، عدالت نے خرم لطیف کھوسہ کی ہتھکڑیاں کھولنے کا حکم دے کر فیصلہ محفوظ کیا تھا۔
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں