لاہور: صوبہ پنجاب کے دارالحکومت لاہور میں ہائیکورٹ میں اسحٰق ڈار کو ضمنی بجٹ کا اختیار دینے کے خلاف درخواست سماعت کے لیے قبول کرلی گئی۔ وزیر خزانہ کو اہم تقرریوں اور منی بجٹ کا اختیار وزیر اعظم نے دیا تھا۔
تفصیلات کے مطابق لاہور ہائی کورٹ میں دائر درخواست کو قبول کرتے ہوئے عدالت نے وزارت خزانہ سے 17 اپریل کو جواب طلب کر لیا۔
عدالت نے وزیر اعظم سے بذریعہ پرنسپل سیکریٹری جواب بھی طلب کیا ہے۔
مزید پڑھیں: منی بجٹ آنے کا امکان
لاہور ہائی کورٹ میں دائر درخواست کے مطابق اسحٰق ڈار کو سرکاری اداروں کے سربراہان کی تقرری کا اختیار دیا گیا جو کہ سپریم کورٹ کے فیصلے کی خلاف ورزی ہے۔
درخواست میں مؤقف اختیار کیا گیا کہ ضمنی بجٹ کا اختیار وزیر خزانہ کو دینے کے اقدام کو کالعدم قرار دیا جائے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں