پھانسی کی سزا کیخلاف اپیل پرعدالت کی وزارت داخلہ سے جواب طلبی -
The news is by your side.

Advertisement

پھانسی کی سزا کیخلاف اپیل پرعدالت کی وزارت داخلہ سے جواب طلبی

لاہور: ہائی کورٹ نے فوجی عدالت سے پھانسی پانے والے مجرم کی سزا کے خلاف اپیل پر وزارت داخلہ سے جواب طلب کر لیا۔

تفصیلات کے مطابق لاہور فوجی عدالت سے پھانسی پانے والے مجرم کی سزا کے خلاف اپیل پر وزارت داخلہ سے جواب طلب کر لیا۔

لاہورہائی کورٹ کے دو رکنی بنچ نے کیس کی سماعت کی ۔ فوجی عدالت سے سزایافتہ صابر شاہ کی جانب سے موقف اختیار کیا گیا کہ اس کی عمر ابھی اٹھارہ سال سے کم ہے جبکہ اس کے خلاف درج مقدمات میں دوسرا ملزم بھی شامل ہے مگر صرف اسے ہی سزا سنائی گئی ۔

صابر شاہ کے وکیل کا کہنا تھا کہ اسے فوجی عدالت میں نہ تو وکیل کرنے کی اجازت دی گئی اور نہ ہی صفائی کا موقع دیا گیا، لہذا عدا لت سزا کو کالعدم قرار دے ۔

عدالت نے نوٹس جاری کرتے ہوئے وزارت داخلہ سے دس ستمبر کو صابر شاہ کے خلاف مقدمے کے حوالے سے رپورٹ طلب کر لی ۔

صابر شاہ کے خلاف فرقہ وارارنہ قتل کے متعدد مقدمات درج ہیں جس کی وجہ سے وزارت داخلہ نے اس کے خلاف مقدمات فوجی عدالت کو بھجوائے تھے ۔

Comments

comments

یہ بھی پڑھیں