The news is by your side.

Advertisement

قاسم ضیا کا نام اسٹاک مارکیٹ فراڈ کیس سے خارج

لاہور : احتساب عدالت نے اسٹاک مارکیٹ فراڈ کیس سے پیپلز پارٹی کے رہنما قاسم ضیاء کا نام خارج کرنے کا حکم دے دیا.

قاسم ضیاء نے عدالت میں پیش ہوکر بیان دیا کہ ان کی نیب کے ساتھ پلی بارگیننگ ہوچکی ہے اور اس پر انھوں نے اسی لاکھ روپے واپس بھی کردیے ہیں جبکہ ایک کروڑ بائیس لاکھ روپے بھی جلدواپس کردیے جائیں گے، احتساب عدالت نے اسی بنیاد پر ان کی درخواست ضمانت منظور کی لہذا ان کا نام اسکینڈل کیس سے خارج کرنے کا حکم دیا جائے۔

نیب کے وکیل نے بیان دیا کہ قاسم ضیاء اور نیب میں معاہدہ ہوچکا ہے اور انھوں نے اسی لاکھ روپے کی پہلی قسط بھی ادا کردی ہے.

عدالت نے وکلاء کے دلائل اور قاسم ضیاء کے بیان کے بعد اسٹاک مارکیٹ فراڈ اسکینڈل کیس سے نام خارج کرنے کا حکم دے دیا.

واضح رہے کہ قاسم ضیاء کو اسٹاک مارکیٹ فراڈکے الزام میں نیب نے گرفتار کیا تھا، رقم کی واپسی کے معاہدے پر انھیں رہا کردیا گیا تھا.

Print Friendly, PDF & Email

Comments

comments

یہ بھی پڑھیں