The news is by your side.

Advertisement

نوازشریف کےخلاف غداری کےمقدمے لیے دائردرخواستیں ناقابل سماعت قرار

لاہور: سابق وزیراعظم اورمسلم لیگ ن کے قائد میاں نوازشریف کے خلاف انداراج مقدمہ کے لیے دائر کی گئی درخواستوں کو لاہورہائی کورٹ نے ناقابل سماعت قرار دے دیا۔

تفصیلات کے مطابق لاہور ہائی کورٹ نے سابق وزیراعظم نوازشریف کے خلاف غداری کا مقدمہ درج کرنے کے لیے دائر کی گئی درخواستوں کو خارج کردیا۔

جسٹس شمس محمود مرزا نے درخوستواں پرمحفوظ فیصلہ سناتے ہوئے انہیں نا قابل سماعت قرار دے دیا۔ عدالت نے درخواست گزاروں کو پہلے متعلقہ فورمز سے رجوع کرنے کی ہدایت کی۔

لاہورہائی کورٹ میں نوازشریف کےخلاف غداری کےمقدمےلیےدرخواست دائر

خیال رہے کہ پاکستان عوامی تحریک کے رہنما خرم نوازگنڈا پوراورآفتاب ورک کی جانب سے لاہور ہائی کورٹ میں درخواستیں دائر کی گئیں تھی جس میں موقف اختیار کیا گیا تھا کہ نوازشریف کا ممبئی حملوں سے متعلق بیان ملک سے غداری کے مترادف ہے اس لیے ان کے خلاف غداری کا مقدمہ درج کیا جائے۔

ممبئی حملوں میں کالعدم تنظیمیں ملوث ہیں‘ نوازشریف

یاد رہے کہ حال ہی میں سابق وزیر اعظم نواز شریف مقامی اخبار کو انٹرویو دیتے ہوئے کہا تھا کہ ممبئی حملوں میں پاکستان میں متحرک عسکریت پسند تنظیمیں ملوث تھیں۔

نوازشریف کا کہنا تھا کہ یہ لوگ ممبئی میں ہونے والی ہلاکتوں کے ذمہ دار ہیں، مجھے سمجھائیں کہ کیا ہمیں انہیں اس بات کی اجازت دینی چاہیے کہ سرحد پار جا کر ممبئی میں 150 لوگوں کو قتل کردیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں