لاہور : لاہور ہائیکورٹ نے بانی پی ٹی آئی کی 9 مئی کے 8 مقدمات میں ضمانت کی درخواستیں مسترد کردیں۔
تفصیلات کے مطابق لاہور ہائیکورٹ میں بانی پی ٹی آئی کی 8 مقدمات میں ضمانت کی درخواستوں پر سماعت ہوئی۔
لاہورہائیکورٹ کے جسٹس شہباز رضوی کی سربراہی میں 2رکنی بینچ نے درخواستوں پر فیصلہ سنایا۔
فیصلے میں بانی پی ٹی آئی عمران خان کی 9 مئی کے 8 مقدمات میں ضمانت کی درخواستیں مسترد کردی گئیں۔
یاد رہے عدالت نے دلائل سننے کے بعد درخواستوں پر فیصلہ محفوظ کیا تھا ، عمران خان نے بیرسٹر سلمان صفدر کی وساطت سے 15 جنوری کو 9 مئی کے 8مقدمات میں ضمانتوں کی درخواستیں دائر کی تھیں۔
مزید پڑھیں : بانی پی ٹی آئی کی 9 مئی کے 8 مقدمات میں ضمانت کی درخواستوں پر کارروائی ملتوی
جناح ہاؤس، عسکری ٹاورحملہ،تھانہ شادمان جلانے کے مقدمے سمیت جناح ہاؤس کے قریب گاڑیاں جلانے کے کیس میں بھی ضمانت دائر کی گئی تھی۔
بانی پی ٹی آئی جناح ہاؤس حملہ کیس، تھانہ شادمان جلانے اورعسکری ٹاورحملہ کےمقدمات میں نامزد ہیں جبکہ دیگر جلاؤ گھیراؤ کے 5مقدمات میں ضمنی بیان میں نامزد کیے گئے تھے۔
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں