The news is by your side.

سنیارٹی کی بنیاد پر آرمی چیف کے تقرر کیلئے درخواست مسترد

لاہور : لاہور ہائی کورٹ نے سنیارٹی کی بنیاد پر آرمی چیف کے تقرر کیلئے درخواست ناقابل سماعت قرار دے کر مسترد کردی۔

تفصیلات کے مطابق لاہور ہائی کورٹ کے جسٹس فیصل زمان خان نے مقامی خاتون وکیل نجمہ احمد کی درخواست پر اعتراض کی سماعت کی۔

لاہور ہائیکورٹ نے درخواست پر اعتراض لگایا تھا کہ درخواست گزار متاثرہ فریق نہیں ہے، درخواست اعتراض کیساتھ سماعت کیلئے پیش کی۔

عدالت نے ہائی کورٹ آفس کا اعتراض برقرار رکھا اور قرار دیا کہ اس معاملے پر سپریم کورٹ سے رجوع کر سکتے ہیں۔

درخواست گزار کے وکیل طارق عزیز نے بتایا کہ آرمی چیف اپنے عہدے سے ریٹائر ہو رہے ہیں اور نئے آرمی کا تقرر سینیارٹی کی بنیاد پر کیا جائے۔

وکیل کا کہنا تھا کہ مروجہ طریقہ کار قانون کے خلاف ہے، لہذا عدالت سنیارٹی پر پہلے نمبر پر آنے والے جرنیل آرمی چیف بنانے کا حکم دے۔

درخواست میں وفاقی حکومت، اسلام آباد کے مرکزی سیکرٹری قانون، لاہور کے صوبائی سیکرٹری اسٹیبلشمنٹ، لاہور کے صوبائی سیکرٹری قانون اور سینئر وکیل اعتزاز احسن کو فریق بنایا گیا ہے۔

لاہور ہائی کورٹ نے سنیارٹی کی بنیاد پر آرمی چیف کے تقرر کیلئے درخواست ناقابل سماعت قرار دے کر مسترد کردی۔

درخواست میں وفاقی حکومت، اسلام آباد کے مرکزی سیکرٹری قانون، لاہور کے صوبائی سیکرٹری اسٹیبلشمنٹ، لاہور کے صوبائی سیکرٹری قانون اور سینئر وکیل اعتزاز احسن کو فریق بنایا گیا ہے۔

Comments

یہ بھی پڑھیں