The news is by your side.

Advertisement

لاہور ایئر پورٹ پر سی اے اے افسر کی ایمانداری، گمشدہ بیگ مسافر تک پہنچا دیا

لاہور : سول ایوی ایشن اتھارٹی افسر نے ایمانداری کا مظاہرہ کرتے ہوئے خاتون مسافر کو 43 سعودی ریال واپس کردیئے، سی اے اے نے اپنی پیشہ ورانہ کاوشوں سے تقریبا ً18 لاکھ روپے مالیت کا گمشدہ بیگ حقیقی مالک تک پہنچا دیا۔

تفصیلات کے مطابق پی آئی اے کی مدینہ سے لاہور آنے والی پرواز پی کے748سے ایک مسافر ڈاکٹر نادرا نذیر اپنا بیگ علامہ اقبال انٹرنیشنل ایئرپورٹ پر آرائیول لاٴؤنج میں بھول گئی تھیں۔

مسافر کے بیگ میں43 ہزار سعودی ریال، چارعدد ہوائی کمپنی کے ٹکٹ بھی موجود تھے، موقع پر موجود لاوٴنج سپروائزر شاہد نے مذکورہ بیگ اپنی تحویل میں لے کر شعبہ لاسٹ اینڈ فاوٴنڈ آرائیول کے حوالے کیا۔

بیگ سے ملنے والی معلومات کے مطابق بیگ کی مالک سے ڈاکٹر نادرا نذیر سے رابطہ کیا گیا ، بعد ازاں چیف آپریٹنگ آفیسر لاہور ائیرپورٹ نذیر احمد خان نے ضروری کارروائی کے بعد بیگ حقیقی مالک کے حوالے کر دیا۔

اس موقع پر مسافر ڈاکٹر نادرا نذیر نے سول ایوی ایشن اتھارٹی کے عملے کی ایمانداری کو سراہا اور کہا کہ میں اپنا بیگ جب بھول گئی تھی اور گھر پہنچی تو سامان نہیں تھا جس پر میں پریشان ہوگئی تھی۔

انہوں نے کہا کہ اس دوران مجھ سے سول ایوی ایشن اتھارٹی کے ایک عہدیدار نے رابطہ کیا تو مجھے یقین نہیں آرہا تھا کہ میرا کھویا ہوا سامان اور رقم واپس مل جائے گی، اس کیلیے میں سول ایوی ایشن اتھارٹی کی شکر گزار ہوں۔

Comments

comments

یہ بھی پڑھیں