لاہور : عدالت نے قمر زمان کائرہ کو آصف زرداری سے جیل میں ملاقات کی اجازت دے دی،25نومبر کو پی پی رہنما کی سابق صدر سے ملاقات کرائی جائے گی۔
تفصیلات کے مطابق لاہور ہائیکورٹ میں قمرزمان کائرہ نے درخواست دائر کی تھی کہ انہیں جیل جاکر اپنے قائد سے ملاقات کرنی ہے، انتظامیہ کی جانب سے آصف علی زرداری سے ملاقات کی اجازت نہیں دی جارہی۔
عدالت میں جسٹس شاہد وحید نے درخواست پر سماعت کی اس موقع پر فریقین کے وکلاء نے دلائل دیے۔ بعد ازاں عدالت نے قمر زمان کائرہ کو آصف زرداری سے جیل میں ملاقات کی اجازت دے دی.
- Advertisement -
جسٹس شاہد وحید نے قمرزمان کائرہ کی درخواست پر تفصیلی حکم جاری کیا، عدالت نے25نومبر کو قمرزمان کائرہ کی آصف زرداری سے ملاقات کرانے کا حکم جاری کرتے ہوئے درخواست نمٹا دی۔
