اسلام آباد: لیبیا اور یونان کشتی حادثہ رپورٹ میں ایف آئی اے نے بڑے افسروں کو بچانے کا منصوبہ بنالیا۔
اے آر وائی نیوز کے مطابق لیبیا اور یونان کشتی حادثے کی انکوائری رپورٹ کو نظر انداز کرکے معاملہ چھوٹے افسروں پر ڈال دیا گیا ہے۔
ذرائع کا بتانا ہے کہ ایف آئی اے کے 87 چھوٹے رینک کے افسر بلیک لسٹ کردیے گئے ہیں، ان افسران کی امیگریشن چیک پوسٹ پر تعیناتی پر پابندی ہوگی، بلیک لسٹ افسران کی اینٹی ہیومن اسمگلنگ سیل میں بھی تعیناتی پر پابندی ہوگی۔
گوجرانوالہ، ملتان، اسلام آباد، کوہاٹ، پشاور زون کے اہلکار لسٹ میں شامل ہیں، کراچی، بلوچستان، لاہور اور فیصل آباد زون کے افسران بھی لسٹ میں شامل ہیں۔
بلیک لسٹ افسران میں انسپکٹر، سب انسپکٹر اور دیگر اسٹاف شامل ہے۔
ذرائع کا کہنا ہے کہ لیبیا انکوائری رپورٹ میں اعلیٰ افسران پر بھی ذمہ داری عائد کی گئی تھی، گریڈ 21 کے افسر احسان صادق نے رپورٹ تیار کی تھی۔
