site
stats
پاکستان

لیبیا کشتی حادثہ : سرگودھا کے نوجوان عزیزکے اہل خانہ غم سے نڈھال

سرگودھا: لیبیا میں کشتی حادثے میں ہلاک ہونے والے پاکستانی نوجوان کے گھر میں صف ماتم بچھ گئی، بڑھاپے کا سہارا چھن جانے پر متوفی کے والد غم سے نڈھال ہیں، جواں سال عزیز یورپ جانے کی خواہش میں موت کے منہ میں چلا گیا۔

تفصیلات کے مطابق سرگودھا کے رہائشی عزیز احمد کو اپنے مالی حالات بہتر کرنے کیلئے یورپ جانے کی آرزو موت کے منہ میں لے گئی۔

لیبیا میں تارکین وطن کی کشتی ڈوبنے سے جہاں درجنوں افراد لقمہ اجل بنے ان میں عزیز احمد بھی منہ زور لہروں کی نذر ہوگیا، اس کا ہنستا بستا گھرماتم کدہ بن گیا۔

ہلاکت کی خبر ملنے پرعزیز کے گھر میں چیخ و پکار مچ گئی، جواں سال عزیز دو بچوں کا باپ تھا بڑھاپے کا سہارا چھن جانے پر نوجوان عزیز کے والد غم سے نڈھال ہیں، دلسوز دہائی دی کہ حکومت کسی بھی طرح میرے بیٹے کی لاش لادے، اس کی بیوہ اور بچے حسرت و یاس کی تصویر بنے بیٹھے ہیں۔

 مرحوم کی رہائش گاہ پر پرسہ دینے والوں کا تانتا بندھا ہے۔ اہل خانہ کا کہنا ہے کہ عزیز احمد چار ماہ قبل اٹلی کیلئے روانہ ہوا تھا، بیرون ملک بھجوانے کیلئے ایجنٹ نے ساڑھے سات لاکھ روپے لئے تھے۔


مزید پڑھیں: لیبیا، کشتی ڈوبنے سے 16 پاکستانی جاں بحق ہوئے، 8کی شناخت


واضح رہے کہ گزشتہ روز لیبیا کے قریب بحیرہ احمر میں تارکین وطن سے بھری کشتی ڈوب گئی تھی جس کے نتیجے میں 90 افراد ہلاک ہوگئے، امدادی ٹیموں نے ابتدائی طور پر دس افراد کی لاشیں نکال لیں جن میں سے آٹھ کا تعلق پاکستان سے بتایا جا رہا ہے۔

اس کے علاوہ دفتر خارجہ کے ترجمان نے تصدیق کی ہے کہ کشتی ڈوبنے کے نتیجے میں 16پاکستانی جاں بحق ہوئے ہیں جن میں سے8 افراد کی شناخت ہوگئی ہے، متوفیان کا تعلق پنجاب کے مختلف علاقوں سے ہے۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top