تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ایسا پیزا جو کینسر سے بچا سکتا ہے

پیزا بہت سے افراد کو پسند ہوتا ہے جو یہ جانتے ہوئے بھی اسے کھاتے ہیں کہ اس کی مضر صحت چکنائی ان کے لیے نقصان دہ ہوسکتی ہے۔ تاہم اب ایسا پیزا بھی منظر عام پر آگیا ہے جو کینسر سے بچانے کی صلاحیت رکھتا ہے۔

اٹلی کے ایک ریستوران ڈان پیپ میں سرو کیا جانے والا پیزا کینسر کے حوالے سے کی جانے والی ایک تحقیق کی روشنی میں بنایا جاتا ہے۔

اس تحقیق کا موضوع ’صحت مند غذاؤں کا فروغ بشمول پیزا‘ ہے۔

اب یہ ریستوران اسی تحقیق کی روشنی میں ایسا پیزا تیار کرتا ہے جو نہ صرف امراض قلب سے بچا سکتا ہے بلکہ ہاضمہ کے اعضا میں بننے والے ٹیومر سے بھی تحفظ فراہم کرسکتا ہے جیسے بڑی آنت کا کینسر۔

اس پیزا میں شامل کیے جانے والے اجزا میں زیتون، زیتون کا تیل، ٹماٹر، سرخ مرچ، لہسن، گوبھی اور گندم کا آٹا شامل ہیں۔

ماہرین کا کہنا ہے کہ یہ تمام اجزا جسم میں خون کی روانی کو بہتر بناتے ہیں اور قوت مدافعت میں اضافہ کرتے ہیں۔

زیتون کا تیل عام تیل کے برعکس وزن میں اضافہ نہیں کرتا جبکہ یہ اجزا جسم کو مختلف معدنیات اور وٹامنز بھی فراہم کرتے ہیں۔

کیا آپ یہ صحت بخش پیزا کھانا چاہیں گے؟

Comments

- Advertisement -