The news is by your side.

Advertisement

درخت کے نیچے کھڑے افراد پر آسمانی بجلی گر پڑی، خوفناک ویڈیو

نئی دہلی: بھارت میں درخت کے نیچے کھڑے 4 افراد پر آسمانی بجلی گر پڑی، چاروں افراد جھلس گئے جنہیں اسپتال منتقل کیا گیا۔

بھارتی میڈیا کے مطابق نئی دہلی کے قریب واقع شہر گروگرام میں آسمانی بجلی گرنے سے 4 افراد جھلس گئے، واقعے کی سی سی ٹی وی فوٹیج میں دیکھا جاسکتا ہے کہ بجلی درخت کے قریب کھڑے 4 افراد پر گری۔

مذکورہ افراد محکمہ ہارٹی کلچر کے ملازمین تھے، بجلی گرنے سے چاروں افراد زمین پر گر گئے، موقع پر موجود افراد نے انہیں فوری طور پر اسپتال منتقل کیا۔

خیال رہے کہ نئی دہلی اور آس پاس کے علاقوں میں جمعہ سے موسلا دھار بارش جاری ہے، دہلی، نوئیڈا، غازی آباد اور گروگرام سمیت کئی علاقوں میں بارش کے بعد جل تھل ایک ہوگیا۔

گہرے بادلوں کی وجہ سے مذکورہ علاقوں میں گھپ اندھیرا چھا گیا اور لوگوں کو سفر کرتے ہوئے گاڑیوں کی لائٹس روشن کرنی پڑیں۔

بارش کے بعد درجہ حرارت میں بھی 5 ڈگری کمی دیکھی گئی۔

Comments

یہ بھی پڑھیں