The news is by your side.

انگلینڈ کیخلاف فیصلہ کن معرکہ، قومی ٹیم میں 3 تبدیلیوں کا امکان

انگلینڈ کے خلاف ٹی ٹوئنٹی سیریز کے آخری اور فیصلے کن میچ کےلیے قومی ٹیم میں 3 تبدیلیوں کا امکان ہے۔

چھٹے میچ میں آرام کے غرض سے ڈراپ ہونے والے وکٹ کیپر بلے باز محمد رضوان، حارث روف اور خوشدل شاہ کی واپسی ہو سکتی ہے۔

محمد رضوان ایک میچ کے وقفے سے آج فائنل میں رنگ جمانے کو تیار ہیں جب کہ شاہنواز دھانی کی جگہ حارث روف کو شامل کیا جاسکتا ہے۔

وائرل انفیکشن کا شکار ہونے والے حیدر علی کی جگہ خوشدل شاہ کی واپسی ممکن ہے۔پاکستانی ٹیم کے میڈیا مینجر کے مطابق نوجوان بیٹر حیدر علی وائرل انفیکشن کا شکار ہوئے تھے اور انہیں چھٹے ٹی 20 میچ کے بعد طبیعت خراب ہونے پر اسپتال منتقل کیا گیا تھا۔ جہاں انہوں گزشتہ رات ڈاکٹر کی زیر نگرانی اسپتال میں ہی قیام کیا۔

حیدر علی اب پہلے سے بہتر محسوس کر رہے ہیں اور اسپتال سے ڈسچارج ہونے کے بعد ٹیم ہوٹل پہنچ گئے ہیں۔
محمد حسنین اور عامر جمال کے درمیان ٹائی ہے۔ حسنین کو آخری دو میچوں میں آرام دیا گیا تھا اور جمال نے ان کی جگہ لی تھی۔

ممکنہ فائنل الیون:

محمد رضوان (وکٹ کیپر)، بابر اعظم (کپتان)، شان مسعود، افتخار احمد، خوشدل شاہ، آصف علی، شاداب خان، محمد نواز، محمد وسیم جونیئر، عامر جمال/محمد حسنین، حارث رؤف

Comments

یہ بھی پڑھیں