The news is by your side.

Advertisement

جاپان: کرونا ویکسین لگوانے کے لیے آن لائن سسٹم تیار

ٹوکیو: جاپان میں کرونا وائرس ویکسین لگوانے کے لیے ایک زبردست آن لائن سسٹم تیار کیا گیا ہے۔

تفصیلات کے مطابق پیغام رسانی کی سہولت فراہم کرنے والی ایپ ’لائن‘ نے جاپان میں کرونا وائرس کی ویکسین لگوانے کی بکنگ کے لیے آن لائن نظام تیار کر لیا۔

فری ایپ کا استعمال کرنے والے افراد اب اس نظام کے تحت کرونا ویکسین لگوانے کے لیے بہ آسانی وقت لے سکیں گے۔

سب سے پہلے صارفین بلدیہ کے اس سرکاری لائن اکاؤنٹ تک رسائی حاصل کریں گے، پھر پروگرام میں اپنی صنف، عمر کے گروپ اور ویکسی نیشن کی ترجیحی تاریخ جیسی معلومات کا اندراج کریں گے۔

معلومات کا اندراج کرنے والے شہریوں کو ڈاک کے ذریعے ایک ٹکٹ نمبر موصول ہوگا، جس کو وہ بکنگ مکمل کرنے کے لیے ایپ پر استعمال کریں گے۔

اس آن لائن سسٹم کے استعمال پر جاپان کی 2 مقامی حکومتیں متفق ہو چکی ہیں اور لگ بھگ مزید 100 اس پر غور کر رہی ہیں۔

واضح رہے کہ وزارت صحت کے ویکسی نیشن شیڈول کے مطابق مارچ کے وسط سے جاپان میں 65 یا اس سے زیادہ عمر کے لوگوں کو کووِڈ 19 کے ٹیکے لگانے کے لیے ٹکٹ بھیجے جائیں گے۔

پیر کو وزارت صحت نے کہا تھا کہ ویکسینیشن ٹکٹ تقریباً 30 کروڑ 60 لاکھ معمر افراد کو بھیجے جائیں گے، جو ویکسی نیشن کے سلسلے میں تیسری ترجیح ہیں، نامزد اسپتالوں میں 10 سے 20 ہزار طبی کارکنوں کا گروپ پہلی ترجیح ہے، جب کہ دوسری ترجیح دیگر میڈیکل ورکرز ہیں جن کی تعداد تقریباً 3.7 ملین ہے۔

Comments

یہ بھی پڑھیں