The news is by your side.

Advertisement

لنکڈ ان کا ڈیٹا لیک ہونے کا خطرہ

واشنگٹن: سوشل نیٹ ورکنگ سائٹ لنکڈ ان نے اپنے صارفین کو متنبہ کیا ہے کہ 2012 میں 100 ملین صارفین کا ہیک کیا جانے والا ڈیٹا آن لائن جاری کیا جاسکتا ہے۔

لنکڈ ان انتظامیہ کے مطابق 2012 میں ان کے 6.5 ملین صارفین کا ڈیٹا ہیک کرلیا گیا تھا لیکن اس ہفتے انہیں پتہ چلا کہ یہ تعداد اس سے کہیں زیادہ ہے۔ لنکڈ ان نے اپنے صارفین کو اپنے پاس ورڈز بدلنے کی ہدایت کی ہے۔

مزید پڑھیں: سائبر دہشت گردی سے نمٹنے کے لیے اقوام متحدہ کی مائیکرو سافٹ کو مباحثے کی دعوت

انتظامیہ کے مطابق وہ اس سلسلہ میں ہنگامی اقدامات کر رہے ہیں اور جن لوگوں کا ڈیٹا چوری کیا گیا ان سے ذاتی طور پر بھی رابطہ قائم کیا جا رہا ہے تاکہ انہیں احتیاطی تدابیر اختیار کرنے کی ہدایت کی جاسکے۔

اس سے قبل لنکڈ ان 2012 کی ڈیٹا چوری کے بعد اپنی سیکیورٹی کو مضبوط بنانے کے لیے اقدامات کر چکا ہے اور ساتھ ہی صارفین کو متنبہ کیا جاچکا ہے کہ اگر انہوں نے 2012 کے بعد اپنا پاس ورڈ تبدیل نہیں کیا ہے تو ان کا ذاتی ڈیٹا خطرے کا شکار ہے۔

Comments

comments

یہ بھی پڑھیں