تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

سعودی عرب: سرکس کے شیر کا بچی پر حملہ

جدہ: سعودی عرب کے شہر جدہ میں شیر کے بچے نے بچی پر حملہ کردیا، ٹرینر کو حراست میں لے لیا گیا۔

تفصیلات کے مطابق سرکس میں عام طور پر خونخوار جانور تماشہ دکھانے کے لیے رکھے جاتے ہیں البتہ بعض اوقات ان کا رکھنا کسی خطرے سے خالی نہیں ہوتا۔

خونخوار جانوروں کو ویسے تو باقاعدہ تربیت دی جاتی ہے بعض اوقات یہ بری طرح بپھر جاتے ہیں جس کی وجہ سے کبھی مالک اور کبھی تماشہ دیکھنے والوں کو نقصان اٹھانا پڑتا ہے۔

ایسا ہی ایک واقعہ سعودی عرب کے شہر جدہ میں جاری فیسٹیول کے دوران پیش آیا جہاں شیر کے بچے نے بچی پر حملہ کردیا، سیکیورٹی حکام کی جانب سے ٹرینر کو حراست میں لے لیا گیا۔

واقعہ جدہ میں ہونے والے فیسٹیول میں شیر کے پنجرے کے اندر پیش آیا، ٹرینر فیصل عمیری کا کہنا ہے کہ بظاہر لگتا یہی ہے کہ بچی کے سر پر لگے تتلی کے ربن نے شیر کی توجہ اپنی جانب مبذول کرائی۔

سوشل میڈیا پر شیئر کی جانے والی ویڈیو میں دیکھا جاسکتا ہے کہ منتظمین بچوں کو شیر کے پنجرے کے اندر لے گئے اور شیر نے بچی پر حملہ کردیا، شیر کے بچے نے ایک بچی کو کونے میں پکڑا، شیر اپنی پچھلی ٹانگوں پر کھڑا ہے اور اس نے بچی کا سر اپنے پنجرے میں پکڑ رکھا ہے۔

بچی کو شیر کے چنگل سے اس وقت آزاد کرایا گیا جب ایک مرد نے شیر کے بچے کو پکڑا، واقعے کے بعد عوام میں شدید غم و غصہ پایا جارہا ہے، تاہم حکام کی جانب سے بچی کی شناخت ظاہر نہیں کی گئی۔

واضح رہے کہ نومبر 2013 میں پانچ سالہ قطری بچے پر چھوٹے چیتے نے حملہ کیا تھا جس کے سبب بچے کو کافی چوٹیں آئی تھیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

- Advertisement -