(19 جولائی 2026): ارجنٹینا فٹبال ٹیم کے کپتان اور مایہ ناز کھلاڑی لیونل میسی کے پاس اپنی شاندار لیگیسی میں مزید اضافہ کرنے کا ایک اور موقع آگیا۔ فیفا ورلڈ کپ 2026 کے فائنل میں آج ان کی ٹیم کا مقابلہ اسپین سے ہے۔
غیر ملکی میڈیا رپورٹس کے مطابق لیونل میسی اس ٹورنامنٹ کے دوران پہلے ہی ورلڈ کپ کے کئی ریکارڈز اپنے نام کر چکے ہیں، لیکن ایک اور یادگار کارکردگی انہیں مزید سنگ میل عبور کرنے میں مدد دے سکتی ہے۔
یہ ان کے کیریئر کا ممکنہ طور پر آخری ورلڈ کپ میچ ہوگا۔
میسی اس ٹورنامنٹ میں اب تک آٹھ گول اور چار اسسٹ کے ساتھ فائنل میں داخل ہو رہے ہیں۔ تاہم، اب وہ گولڈن بوٹ کی دوڑ میں آگے نہیں کیونکہ فرانس کے کپتان ایمباپے نے انگلینڈ کے خلاف تیسری پوزیشن کے میچ میں 2 گول کر کے 10 گولز کے ساتھ برتری حاصل کر لی ہے۔
یہ بھی پڑھیں: اسپین یا ارجنٹائن: فیفا ورلڈ کپ 2026 کون جیتے گا؟ سابق کھلاڑیوں کی پیشگوئیاں
اس کا مطلب یہ ہے کہ ٹورنامنٹ کے سب سے زیادہ گول کرنے والے کھلاڑی بننے کیلیے لیونل میسی کو اسپین کے خلاف کم از کم تین گول کرنے ہوں گے۔ فائنل میں ایک ہیٹ ٹرک ورلڈ کپ کی تاریخ میں سب سے زیادہ گول اسکورر کے طور پر ان کے ریکارڈ کو مزید وسعت دے گی، اور فٹبال کے سب سے بڑے اسٹیج پر ان کی شاندار تاریخ کو مزید مضبوط کرے گی۔
39 سالہ لیونل میسی 1958 اور 1962 میں برازیل کے بیلینی کے بعد مسلسل دوسری بار فیفا ورلڈ کپ ٹرافی اٹھانے والے پہلے کپتان بھی بن سکتے ہیں۔
ایک اور اعزاز ارجنٹائن کو 1962 میں برازیل کے بعد کامیابی سے اپنے ورلڈ کپ کے تاج کا دفاع کرنے والی پہلی ٹیم بنا دے گا۔
میسی ورلڈ کپ فائنل میں گول کرنے والے معمر ترین کھلاڑی بننے کی دوڑ میں بھی شامل ہیں، جبکہ ایک اور اسسٹ ٹورنامنٹ کی تاریخ میں سب سے زیادہ اسسٹ فراہم کرنے والے کھلاڑی کے طور پر ان کے ریکارڈ کو مزید بہتر بنا دے گا۔
صرف فائنل میچ میں شرکت ہی ان کے سب سے زیادہ ورلڈ کپ میچز کھیلنے کے ریکارڈ کو مزید آگے بڑھا دے گی، جبکہ ایک جیت ان کے پہلے سے ہی بے مثال انٹرنیشنل کیریئر میں ایک اور بڑا باب جوڑ دے گی۔
