The news is by your side.

Advertisement

نجی ایئرلائن کے مشکوک لائسنس والے 10پائلٹس کی فہرست منظرعام پر آگئی

اسلام آباد : نجی ایئرلائن کے مشکوک لائسنس والے 10پائلٹس کی فہرست منظرعام پر آگئی ، جس میں سے 7پائلٹس کو گراؤنڈ کردیا گیا جبکہ 3 کپتان ایئرلائن چھوڑ چکے ہیں۔

تفصیلات کے مطابق نجی ایئرلائن سیرین ایئر کے دس پائلٹس کے مشکوک لائسنسز کی فہرست سامنے آگئی، ایوی ایشن ڈویژن نے 10پائلٹس کی لسٹ نجی ایئرلائن کو بھجوا دی۔

نجی ایئرلائن نےجواب میں کہا ہے کہ 3 کپتان ایئرلائن پہلے ہی چھوڑکر جا چکے ہیں جبکہ 7پائلٹس کو ایوی ایشن ڈویژن کی ہدایت پر گراؤنڈ کرچکے ہیں۔

دوسری جانب نجی ایئرلائن کی پائلٹس کے مبینہ جعلی لائسنس سے متعلق رپورٹ سپریم کورٹ میں بھی جمع کرادی ہے، جس میں بتایا گیا کہ مشتبہ لائسنس یافتہ 9 میں سے 7 پائلٹس ایئربلیو کو 2014اور 2015 میں چھوڑگئے۔

رپورٹ میں کہا گیا فدا محمدخلیل نے 5 جولائی 2020 کو استعفیٰ دیا، محمدنویدکھوکھرکو 26 جون 2020 کو معطل کیا گیا، محمد نویدکھوکھر نےمعطلی کا فیصلہ متعلقہ فورم پرچیلنج کررکھا ہے۔

رپورٹ کے مطابق 19-2018 میں ایئربلیو کے 100پائلٹس میں سے 98 کےلائسنس درست نکلے اورموجودہ 85 پائلٹس کے لائسنس درست ہیں جبکہ محمدعبد اللہ اصغراور جاوید ملک کو 2019 میں برطرف کردیا گیا تھا۔

fb-share-icon0
Tweet 20

Comments

comments

یہ بھی پڑھیں