The news is by your side.

Advertisement

لاک ڈاؤن میں کھلے رہنے والے کاروبارکی مکمل فہرست جاری

لاہور: کوروناوائرس کے پھیلاؤ کے خطر کے پیش نظر پنجاب میں پانچ اگست تک لاک ڈاؤن کر دیا گیا، حکومت نے لاک ڈاؤن میں کھلے رہنے والے کاروبار کی مکمل فہرست جاری کردی ہے۔

تفصیلات کے مطابق پنجاب حکومت نے لاک ڈاؤن میں کھلے رہنے والے کاروبار کی مکمل فہرست جاری کردی، جس کے تحت طبی مراکز،میڈیکل اسٹور، پنکچر شاپ، آٹا چکیاں، پوسٹل اور کورئیر سروسز کھلی رہیں گی جبکہ ڈرائیور ہوٹل، پٹرول پمپ، آئل ڈپو 24 گھنٹے کھلے رہیں گے۔

،سیکریڑی ہیلتھ کا کہنا ہے کہ ریسٹورنٹس پر صرف ہوم ڈیلیوری اور ٹیک اوے کی اجازت ہو گی، ایل پی جی گیس شاپس،فلنگ پلانٹس، زراعت مشینری شاپ کھلی رہیں گی جبکہ کال سینٹرز50فیصد عملے کے ساتھ کھولے جاسکتے ہیں۔

فہرست کے مطابق پرنٹنگ پریس، ورکشاپس اور اسپیئر پارٹس کی دکانیں ، بیکرز،کریانہ ، پھل، سبزی،چکن، گوشت،دودھ کی دکانیں اور تندور کھلے رہیں گے۔

کیپٹن (ر)محمد عثمان کا کہنا تھا کہ بین الاضلاع اور شہروں کے اندر پبلک ٹراسپورٹ 24 گھنٹے میسررہے گی اور بینک، کرنسی ایکس چینج، ٹیلی کام فرنچائز، ڈرائی کلنیر، درزی کھلے رہیں گے۔

تعمیراتی مواد، شیشہ، ایلومینیم وغیرہ کی دوکانیں بھی کھلی رہ سکیں گی تاہم تمام کاروبارمقرر ہ اوقات کےمطابق ہی کام کرسکیں گے، لاک ڈاؤن نوٹیفکیشن کا اطلاق عیدالاضحٰی کے بعد 5 اگست تک رہے گا۔

Comments

یہ بھی پڑھیں