واشنگٹن: امریکا میں کمسن بچے کی والد کی گاڑی ’ٹو‘ کرنے کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق امریکا میں کمسن بچے نے والد کی پھنسی گاڑی کو ریسکیو کرلیا جس کی ویڈیو سوشل میڈیا پر خوب وائرل ہورہی ہے۔
ویڈیو میں دیکھا جاسکتا ہے کہ گاڑی سڑک کنارے پھنسی ہوئی ہے، کمسن بچہ اپنی چھوٹی سی گاڑی میں بیٹھ کر والد کی گاڑی کو رسی کے ذریعے ٹو کررہا ہے۔
Dad of the year… pic.twitter.com/0wd9onU45R
— Rex Chapman🏇🏼 (@RexChapman) November 16, 2020
مذکورہ ویڈیو کو سابق امریکی باسکٹ بال کھلاڑی ریکس چیمپن نے شیئر کیا اور کیپشن لکھا کہ ’ڈیڈ آف دی ایئر۔‘
سماجی رابطے کی ویب سائٹ ٹویٹر پر ویڈیو کو ڈیڑھ لاکھ سے زائد صارفین نے پسند کیا، 23 ہزار کے قریب صارفین نے اسے ری ٹویٹ کیا اور متعدد نے اس پر تبصرے بھی کیے۔
سوشل میڈیا صارفین نے جہاں والد کے اس اقدام کی تعریف کی تو کئی نے ان کو احتیاط برتنے کی ہدایت بھی کی۔
ایک صارف لکھا کہ ’ویڈیو اچھی ہے لیکن خطرناک بھی ہے۔’ ایک اور صارف کا کہنا تھا کہ والد کے اقدام سے بچے کو کوئی خطرہ لاحق نہیں تھا۔