کوئٹہ: صوبائی دارالحکومت کوئٹہ میں برف باری میں جوتے پالش کرنے والے بچے کو مالی مدد فراہم کردی گئی۔
تفصیلات کے مطابق ایم ڈی بیت المال کا کہنا ہے کہ بچے اسد اللہ کے والد محمد شفیع کو مالی مدد فراہم کردی گئی ہے، بچے کا اداراہ ہذا کے زیر انتظام اسکول میں داخلہ بھی کرادیا گیا ہے۔
ایم ڈی بیت المال کے مطابق بچے کو یونیفارم، جوتے، کتابیں، اسکول بیگ مہیا کیا گیا ہے، بچے کو ماہانہ وظیفہ اور دیگر سہولتیں بھی دی جائیں گی۔
انہوں نے کہا کہ بچے کی گریجویشن تک تعلیمی اخراجات ادارہ برداشت کرے گا، واضح رہے کہ وزیراعظم عمران خان کی ہدایت پر بیت المال کی ٹیم بچے کے گھر پہنچی تھی۔
یاد رہے کہ سوشل میڈیا پر وائرل ہونے والے کوئٹہ کے ایک کمسن بچے کی ویڈیو نے درد دل رکھنے والے ہر شخص کو افسردہ کردیا تھا۔
ویڈیو میں دیکھا جاسکتا ہے کہ شدید سرد موسم میں بچہ فٹ پاتھ پر بیٹھا ہے اور اس کے سامنے جوتے پالش کرنے کا برش اور دیگر سامان رکھا ہوا ہے۔
Heartwrenching #quetta
In this chilling cold ( -8•C)
A kid searches for his livelihood
This little kid is the only earner of his family.
This Chotu is the only head of his family . pic.twitter.com/wH5a2PHBX2— Naveed Nanda (@naveednanda) January 16, 2020
خیال رہے کہ صوبائی دارالحکومت کوئٹہ میں شدید سردی کی لہر جاری ہے ایسے میں شدید برفباری کے دوران روزگار کمانے کے لیے باہر نکلے ہوئے ننھے بچے کی ویڈیو سوشل میڈیا پر وائرل ہوئی تھی۔
