پاکستانی شوبز انڈسٹری کی مشہور اداکارہ یاسرہ رضوی کے ہاں بیٹے کی پیدائش ہوئی ہے جس کی تصویر انہوں نے سوشل میڈیا پر شیئر کردی۔
اداکاری یاسرہ رضوی نے سماجی رابطے کی ویب سائٹ انسٹا گرام پر اپنے بیٹے کی پہلی تصویر شیئر کی، جس میں وہ ننھے مہمان کو اپنی گود میں لی ہوئی ہیں اور محبت بھری نگاہوں سے اپنے لخت جگر کی جانب دیکھ رہی ہیں۔
تصویر کے ساتھ کیپشن میں انہوں نے بتایا کہ گزشتہ روز صبح 9 بج کر 50 منٹ پر ان کے بیٹے نے دنیا میں جنم لیا۔
‘آپ عمدہ زندگی گزاریں’ اداکارہ نے اپنے بیٹے کو دعا دیتے ہوئے کہا کہ ‘ آپ کا واحد تعارف انسان ہے اور انسان کی خدمت آپ کا واحد مقصد ہے’۔
View this post on Instagram
یاسرہ رضوی کے سرپرائز پر مداحوں اور شوبز ستاروں کی جانب سے بڑی تعداد میں بیٹے کی پیدائش پر مبارک باد پیش کی جارہی ہے۔
یاد رہے کہ سال 2020 میں یاسرہ اپنے سے 10 برس چھوٹے عبدالہادی سے رشتۂ ازدواج میں منسلک ہوئی تھیں، جس پر انہیں شدید تنقید کا نشانہ بنایا گیا تھا۔
