The news is by your side.

Advertisement

پشاور چڑیا گھر میں ننھے زیبرا کی آمد

پشاور: پشاور چڑیا گھر میں ننھے زیبرا کی آمد ہوئی ہے، جس کے بعد چڑیا گھر میں زیبراز کی تعداد 6 ہو گئی۔

تفصیلات کے مطابق پشاور چڑیا گھر انتظامیہ نے کہا ہے کہ گزشتہ دن زیبرا نے ایک بچے کو جنم دیا ہے، زیبرا کے ہاں مادہ بچہ پیدا ہوا۔

اے آر وائی نیوز سے بات کرتے ہوئے ویٹرنری آفیسر پشاور چڑیا گھر ڈاکٹر عبدالقادر نے بتایا کہ بچے کا ہر طرح سے خیال رکھا جا رہا ہے، چڑیا گھر میں ہمارے پاس 5 زیبرا موجود تھے، جن میں 3 میل اور 2 فیمیل شامل تھے، اب مجموعی تعداد چھ ہو گئی اور مادہ زیبراز کی تعداد بھی 3 ہو گئی ہے۔

ڈاکٹر قادر نے بتایا کہ زیبرا کے ہاں جو بچہ پیدا ہوا ہے وہ بھی مادہ ہے، ساؤتھ افریقا سے زیبرا کے 2 جوڑے چڑیا گھر لائے گئے تھے، گزشتہ دو سال سے اب ان کی تعداد میں اضافہ ہو تا جا رہا ہے۔

انھوں نے کہا کہ زیبرا کے دو جوڑے چڑیا گھر سے وائلد لائف پارک کو دیے گئے ہیں، جن میں ایک ڈی آئی خان اور ایک جوڑا لکی وائلڈ لائف پارک میں ہے۔

لاہور چڑیا گھر کے ٹائیگر، ریچھ اور مادہ زیبرا کو پُر سکون موت دینے کا فیصلہ

ڈاکٹر عبدالقادر کا کہنا تھا زیبرا کا شمار قیمتی جانوروں میں ہوتا ہے اور اس کی قیمت 15 سے 20 لاکھ روپے تک ہے، خوشی کی بات یہ ہے کہ چڑیا گھر میں اب جانوروں کی تعداد میں اضافہ ہو رہا ہے۔

Comments

یہ بھی پڑھیں