The news is by your side.

Advertisement

فیفا ورلڈ‌کپ 2018: آفیشل گیت نے ریلیز ہوتے ہی دھوم مچا دی

گذشتہ روز ریلیز ہونے اس گیت کو فقط یوٹیوب پر پچاس لاکھ سے زائد افراد دیکھ چکے ہیں

ماسکو: روس میں شروع ہونے والے فیفا ورلڈ کپ 2018 کے آفیشل گیت Live It Up نے ریلیز ہوتے ہی دھوم مچا دی.

تفصیلات کے مطابق فیفا کی جانب سے روس میں منعقدہ ورلڈ کپ کا آفیشل گیت ریلیز کر دیا گیا، جسے مداحوں کی جانب سے شان دارردعمل ملا ہے.

گذشتہ روز ریلیز ہونے اس گیت کو فقط یوٹیوب پر پچاس لاکھ سے زائد افراد دیکھ چکے ہیں. دیگر سائٹس پر بھی اسے بڑی تعداد میں دیکھا اور شیئر کیا گیا.

اس میگا ایونٹ کے آفیشل گیت کو آواز دی ہے کہ معروف گلوکار نکی جیم نے، جن کے مداحوں کی تعداد لاکھوں میں‌ ہیں.

گانے کی ویڈیو میں‌ معروف امریکی اداکار ول اسمتھ اور برازیل کے معروف فٹبالر رونالڈینیو نے پرفارم کیا ہے، گیت کو شائقین اور سامعین کی جانب سے خاصا سراہا گیا ہے.

فٹ بال کا یہ عالمی میلہ 14 جون سے روس میں شروع ہوگا، ایونٹ کے بخار نے پوری دنیا کو لپیٹ میں‌ لے لیا ہے، آج روسی صدر ولادی میر پیوٹن کی جانب سے بھی مہمان کھلاڑیوں اور پرستاروں کے لیے ایک ویڈیو پیغام جاری کیا گیا.

اس عالمی میلے میں‌ دنیا کی 32 بہترین ٹیمیں مدمقابل ہیں، جرمنی اپنے اعزاز کا دفاع کرے گا، میسی، رونالڈو، نیمار جیسے میگا اسٹار ایکشن میں نظر آئیں گے۔ توقع ظاہر کی جارہی ہے کہ ان مقابلوں‌کو دنیا میں بھر میں‌ریکارڈ تعداد میں دیکھا جائے گا.


ورلڈ کپ 2018: کیا نیمار اور محمد صلاح عالمی مقابلوں میں حصہ لے سکیں گے؟


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں