کراچی: ریسکیو 1122 کی ٹیم نے کلفٹن میں واقع روسی قونصل خانے میں بڑی چھپکلی ’’گوہ‘‘ کو پکڑ لیا۔
تفصیلات کے مطابق کراچی کے علاقے کلفٹن بلاک 4 میں واقع ریشین قونصلیٹ میں گھسنے والی بڑی چھپکلی ’’گوہ‘‘ پکڑی گئی۔
ریسکیو 1122 کے ترجمان نے بتایا کہ سینٹرل کمانڈ اینڈ کنٹرول ریسکیو 1122 کو کال ملنے پر ریسکیو ٹیم موقع پر پہنچی، چھپکلی کو ریسکیو 1122 کے اہلکاروں نے باحفاظت پکڑ لیا۔
ریسکیو 1122 کے ترجمان نے مزید بتایا کہ چھپکلی کو محکمہ وائلڈ لائف کے حوالے کیا جائے گا۔
