The news is by your side.

Advertisement

ایل این جی کی قیمتوں میں اضافہ

اسلام آباد: آئل اینڈ گیس ریگیولیٹری اتھارٹی (اوگرا) نے ایل این جی کی قیمتوں میں اضافے کا نوٹی فکیشن جاری کردیا۔

اوگرا کی جانب سے جاری ہونے والے نوٹی فکیشن میں بتایا گیا ہے کہ سوئی نادرن کے لیے ایل این جی کی نئی قیمت میں 0.34 ڈالر فی ایم ایم بی ٹی یو اضافہ کیا گیا جس کے بعد قیمت 11.35 ڈالر تک پہنچ گئی۔

نوٹی فکیشن کے مطابق سوئی سدرن کے لیے ایل این جی کی قیمت میں 0.42 ڈالر کا اضافہ ہوا جس کے بعد قیمت 11.37 ڈالر فی ایم ایم بی ٹی یو مقرر کی گئی۔ اوگرا نوٹی فکیشن کے مطابق سوئی نادرن گیس کے لیے جون میں ایل این جی کی قیمت 11.01 ڈالر مقرر تھی جبکہ سدرن کے لیے ایل این جی کی قیمت 10.95 ڈالر فی ایم ایم بی ٹی یو مقرر کی گئی تھی۔

یاد رہے کہ آئل اینڈ گیس ریگولیٹری اتھارٹی بجلی اور گیس کی تمام اقسام کی قیمتیں مقرر کرنے کا مجاز ہے۔

Comments

comments

یہ بھی پڑھیں