The news is by your side.

Advertisement

ایل این جی اسکینڈل : ایم ڈی پی ایس او کی بیرون ملک روانگی کی کوششیں

اسلام آباد : ایل این جی اسکینڈل کے بڑے کردارایم ڈی پی ایس او نے بیرون ملک روانگی کی کوششیں شروع کردیں، عمران الحق کی تقرری غیرقانونی ہونے کےالزام پر بھی تحقیقات ہورہی ہیں۔

تفصیلات کے مطابق ملکی خزانے کو اربوں کا ٹیکہ لگانے کے الزام میں ملوث اور ایل این جی اسکینڈل کے بڑے کردار ایم ڈی پی ایس او شیخ عمران الحق نے بیرون ملک روانگی کی کوششیں شروع کردیں ہیں۔

ایم ڈی پی ایس او شیخ عمران الحق کی چھٹی کی درخواست کی کاپی اے آر وائی نیوز نےحاصل کرلی، درخواست کے مطابق چھٹی اٹھارہ جون سے تین اگست تک مانگی گئی ہے۔

اس کے علاوہ ذرائع کا یہ بھی کہنا ہے کہ ایم ڈی پی ایس او شیخ عمران الحق کی تقرری غیرقانونی ہونے کے الزام پر بھی تحقیقات ہورہی ہیں۔

عمران الحق کو ایڈیشنل سیکریٹری وزارت پٹرولیم کے سامنےپیش ہونے کی ہدایت کی گئی تھی مگر یہ انکوائری حکومتی شخصیات کی مداخلت پر روک دی گئی۔

مزید پڑھیں: این ایل سی اسکینڈل میں نیب نے دیگر ملزمان کیخلاف کارروائی تیز کردی

واضح رہے کہ اےآروائی نیوز نے ایم ڈی پی ایس او شیخ عمران الحق کی بیرون ملک جانے کی کوششیں اور وزیراعظم سے ملاقات کی خبرگزشتہ روزنشرکی تھی۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں